總行重建加入環保元素
童心未泯嘅David原來都好鍾意玩扭蛋，客戶只要達到指定要求，就會有玩扭蛋機嘅機會，絲絲玩咗轉，就抽到中秋月餅電話繩。David話扭蛋概念可以吸引到小朋友，如果佢哋抽中特惠存款利率，仲可以儲錢儲快啲添。
上商中環總行今年踏入重建階段，David話拆樓拆得好慢，淨係拆地下錯綜複雜嘅火牛都要三個月，令進度慢過預期，但係仍然估一五年可以落成。董事長榮智權就話，原本預期起新總行開支少過五億元，依家諗緊加入更多環保元素，一來新總行會有長遠用途，二來可以為城市做番啲嘢，不過地舖會出租，講笑話銀行唔夠跨國零售商等大公司好賺喎！
余絲韻