歐債問題未解決，美國經濟又唔掂，拖累港股無運行。喺咁嘅市況下，照道理啲證券行生意應該愈來愈難做。
不過，近期京華山一證券嘅策略反而好進取喎，頻頻同啲輪商合作搞活動。好似早前絲絲落灣仔探散戶，就撞正該行中國區域業務總監陳倪麟（Alan），同埋荷合股票衍生部董事黃集恩（Martin）一齊出現喇！
當日點解Martin會出現嘅呢？咪因為佢落行同啲經紀、散戶講解吓窩輪投資策略囉，而Alan仲透露遲啲京華山一同其他輪商都會有唔少合作，除咗搞投資講座之餘，又喺唔同嘅網站發布投資教室等，總之就節目多籮籮喇！
嘩，京華山一證券咁進取，絲絲梗係要提醒其他魚缸老闆要小心啲至得喇！
余絲韻