「體操王子」李寧無人不識，喺體操事業成績驕人，又曾經代表國家一飛沖天燃點聖火，型到爆。但講到佢嘅非凡「蛇吞象」就講咗一年，最終如意算盤響不了。
講嘅係一年前，非凡中國（08032）收購李寧手上30%李寧（02331）公司權益，但因為被港交所（00388）指為反收購，又話要咁做就要重新安排上市。例如要求過去兩年嘅經營現金流要超過2,000萬元，又上訴，最終搞唔掂。
由一個GEM嘅非凡揸住三成股權嘅主板李寧呢個做法，可以為非凡提供三成嘅盈/虧貢獻，又可以分享三成嘅淨資產值，公司即刻可「升呢非常」。大家都知非凡真係好多現金，要令到公司更加實在，呢個做法無疑係一個好方法。
有人話李寧想由實業家進軍資本家，但一開始就唔掂，我就覺得點可以一次論英雄。李寧嘅成功，點會又係一晚可以成事，經驗累積同樣係非常重要。唔成功，成個運動概念嘅大方向仍然不變。
李寧今次形象又跌，外界認為佢不務正業，我就覺得李寧公司已經係一間好公司，市值又大，某個程度上仲有能力再戰一會。我覺得搵到一個新嘅切入點，非凡中國可能就係另一個新嘅驅動器，繼續追蹤永無放鬆，出發。
香港大學電子金融服務榮譽助理教授徐燦傑