入滙控長揸 崔小姐：個市咁樣我驚佢會再跌落去，所以都唔會玩股仔住，淨係喺65.3元買入滙控（00005），諗住長揸收息，個市跌都無咁傷呀嘛！
唔怕穿二萬 葉先生：前兩日入咗隻華潤水泥（01313），個市企唔穩2萬點都唔驚，因為只係啲指數股跌多啲，仲有啲股都無再跌落去啦！
低位未見低 余先生：呢排個市咁波動，我都有啲驚，因為都唔知個低位喺邊，都唔知點趁低吸納！
離場睇定啲 唐先生：唔知個市想點，想上定想落都唔知，所以無買賣，要睇定啲先！
