內地打工仔傾向「折現」
絲絲喺網上都睇到大陸網民嘅意見，爭論點其實在於稅務部門只考慮到合法而未合情合理。
只係講「月餅稅」一種，由工作單位派嘅月餅，唔算得上係咩正經收入，好多人都未必鍾意食，反而攞嚟轉手送畀人，但係就因為咁收到盒未必會食落肚嘅月餅，就要拎真金白銀去交稅，所以好多打工仔都覺得，不如「折現」派錢好過啦！
其實大陸每逢中秋都會用派月餅、購物券之類來「慰勞」一下員工，亦係傳統文化一部分，財政部門挖盡心思喺呢啲地方「抽水」就於理不合。
交稅無可否認係全世界公民嘅義務，但應該交邊啲稅、點樣交，先至做到合乎法、情、理，係需要有關部門認真諗吓嘅。
余絲韻