早前恒生銀行（00011）宣布，梁永祥將離任個人銀行業務主管一職，絲絲一直好關心邊個接棒，結果尋日終於水落石出，就係由原企業及商業銀行業務主管嘅陳力生（Nixon）出任，個職銜亦跟埋「阿媽」滙豐，改為零售銀行及財富管理業務主管。
Nixon○九年至加入恒生，佢同恒生行政總裁梁高美懿一樣，都係喺滙豐出身，可謂梁太嘅愛將之一，所以今次調動都唔算令人意外。
Nixon個位就會由原商業銀行業務總監林燕勝接任。數數吓，依家恒生嘅高層之中，有唔少都係工商銀行業務出身，好似梁太、Nixon、林燕勝之外，恒生中國行長薛關燕萍、恒生企業銀行業務總監徐振文等，都係工商銀行業務出身嘅猛人。
余絲韻