有公司翻出上年財報
截至上周五為止，有63間公司就141個錯誤發布更正公告，即平均每間公司中報就有兩項錯處。最常見失誤係計量單位寫錯、小數點擺錯位、數據遺漏等。但好似深A方圓支承咁，竟將去年中報當係新中報嚟公布，你話丟唔丟架？呢個低級錯誤簡直係向世人坦承公司管理水平低劣。
至於禾嘉股份同紅日藥業，好不幸連續兩年都要為中報出錯做更正。最搞笑係有公司更正完後，新嘅中報都仲係錯。有專家話，A股公司唔重視訊息披露，屢屢出錯，監管機構應對出現重大差錯嘅公司「公開譴責」至得，否則又點會有改善同進步呢！
余絲韻