租金加、人工加、原材料又加，對啲大企業嚟講都幾重負擔。尋日喺華潤創業（00291）記者會，首席財務官兼執行董事黎汝雄就話，日日要諗計去減成本壓力，令到自己本來好瀟灑嘅頭髮都少咗一半，犧牲真係幾大。
黎汝雄話成本上升對公司有一定嘅壓力，仲話明白個個投資者想公司股價好似火箭咁升，最好連地心吸力都冇埋，佢都想公司股價每日升一蚊。
華創嘅業務同一般小市民好有直接關係，但華創要做一間有社會責任嘅良好企業，加上唔想因為一次半次嘅加價而失咗一班熟客，所以就算喺百物騰貴之下，都只係將小部分嘅成本轉嫁畀消費者。但近期香港嘅通脹升完再升，睇嚟華創一班管理層可能要繼續諗多啲計仔去抗衡先得啦。
余絲韻