輪場嘅音樂椅轉極唔停！喺滙豐輪枱做開嘅前環球資本市場財富管理銷售經理陳敢耀（Victor），周二正式過檔蘇皇，躍升為股票衍生及結構性產品董事，同title一樣嘅曾少華（Terry）拍住上！
絲絲問過Terry，對新同事加入有咩感覺，佢笑笑口話都係照常做嘢，不過平時工作繁重，以後兩個人可以一齊做代言人，講Talk、出鏡呢啲宣傳都會分工。咁又係，輪證市場個餅咁大，淨係同券商聯誼都有排做，有個人幫輕吓都係好嘅！
Victor就話啲同事都好Nice，完全無適應問題，同之前喺「獅子行」比較，依家只係過咗對面街返工，雖然負責嘅部門會做唔同嘅衍生工具，但自己都係主力搞輪證。咁返新工有咩目標？梗係省靚招牌，提高市佔率啦！
余絲韻