絲絲講場：美聯布陣鬥智鬥力
美聯集團（01200）尋日除咗公布業績之外，又公布埋重要人事變動。集團主席黃建業已辭任董事總經理，由副主席黃錦康兼埋，副主席黃靜怡亦兼埋副董事總經理，即日生效。黃建業會繼續擔任美聯主席及執行董事。
黃建業話上市公司嘅趨勢，係將董事總經理同主席職能分開，代理行業需要鬥智鬥力，自己留任負責鬥智，鬥力就畀年輕人，尤其係正處壯年嘅黃錦康，亦希望畀多些機會年輕人，等公司管理層年輕化。
配合公司管理層改組，美聯尋日見傳媒，整咗個新嘅布景板，除咗有公司嘅白馬外，下面更多了一架穿梭機，黃錦康笑言，美聯扎根香港38年，成班管理層已跳上白馬，承先啟後追求卓越，繼續帶領公司發展，反而穿梭機用咗30幾年都要退下來退役。
黃靜怡睇住公司成長
佢又話稱，自己進進出出美聯10多年，承先方會包括開創美聯金融、經絡按揭及美聯移民顧問等，至於啟後嘅工作，會由黃建業女兒、即黃靜怡負責。黃小姐話加入美聯只有6年，但細細個已睇住公司成長，希望將公司年輕化及資訊化，爸爸辭任不是為任何人鋪路，因美聯不是私人公司，股東至係老闆。
余絲韻