恒生銀行（00011）副董事長兼行政總裁梁高美懿係成功女性，成功之路少不免會有障礙，梁太話廿年前佢去澳洲做嘢，同時要兼顧屋企大大小小嘅事，就以換燈泡為例，都係自己落手做。
佢相信每個人心裏都有未安裝嘅電燈泡，仲借呢個故事，鼓勵同事勇敢接受挑戰，讓燈泡嘅亮光，帶領大家闖事業高峰。
廿年前嘅事佢仲記得好清楚：屋內一片漆黑，留下鎢絲燒焦嘅味道，一手拿燈泡，一手提電筒，吸口氣踏上椅子，踮着腳、抬高手，手轉了一圈又一圈，直到確認燈泡牢牢接上，「啪！」燈泡就這樣在眼前亮着了。
當年上司邀請佢去澳洲工作，佢腦海裏只有三個「No」字。最終還是去了，嗰時未有BlackBerry，佢一個人帶着女兒，遇上各種生活上難題，換燈泡是其一，駕車亦不容易，最困難係為兩歲及三歲嘅女兒找合適嘅保母。
丈夫係「太空人」，每個月都會到澳洲探望，日常生活只能依靠梁太自己一個。好彩佢同其他同事合作過程愈來愈順暢。
回想起來，佢將自己嘅人生劃分幾個重要轉變，由唸理科轉到唸經濟、由香港工作轉到澳洲工作、由滙豐到恒生，每次改變其實都是一次挑戰。改變意味着機會來臨，改變意味着我們需要放下原來嘅優勢，放手去學習新嘅技能；改變需要勇氣，衝出去，另一個世界同樣晴空萬里。
余絲韻