如今全球焦點盡在美國會否推出QE3，近幾日外圍市亦已一定程度反映這份預期，所以即使真係推出，外圍市唔一定再走高，若然落空，則唔使講要掉頭向下。所以，短線入場追漲風險高。
航運股近日表現有所改善，中海發展（01138）由本月中旬低位4.2元回升，尋日高位做5.88元，收報5.81元，低位計已反彈四成。
近期油價回落，公司嘅油運業務前景未明，至於乾貨運輸，運費仍喺低位波動，整體基本因素仍然欠佳。近周該股交投轉靜，相信短期未必有足夠動力突破6至6.2元阻力區，現價唔值博，回吐支持則可參考10日及20日線，即介乎5.33至5.45元。
古晨