中央公布「禮品」名單，不過整體大市反應就唔大。當然，有意見認為今時今日內地有銀人士要買港股，其實早有不少渠道，故小QFII嘅吸引力已不大，不過睇番目前A股較H股，不少仍存在唔細嘅溢價，洛玻（01108）、儀征化纖（01033）、東北電氣（00042）等，溢價更係以倍數計，新政策對港股的正面影響不宜過分低估。
講到抵買，詩詩長期關注嘅英皇國際（00163）亦係抵買之選，該股今日除淨，每股除息5.2仙，而合計去年全年派息0.1元，息率逾6厘。
雖然今日買貨冇份收息，但相信亦無損股份嘅吸引力，皆因集團截至三月底止年度賺34億元，每股盈利1元，每股資產淨值為3.6元，現價往績市盈率只得1.57倍，而大股東楊受成在公布業績後的過去兩個月內，一直有增持行動，最近一次是在本月十一日，以均價1.507元買入130萬股，以昨日收市價1.57元計，相當於除淨價1.518元，建議可於1.5元樓下吸納，目標2元，止蝕1.35元。
詩詩