直升機拉動盤旋
由上周起，中資銀行喺自己網站已有Banner熱烈歡迎國債在港發行，再陸續喺各大報章刊登頭版廣告，其中工銀亞洲就非常有心思，除咗做足上述工夫，仲喺尋日至明日Book咗架直升機，朝8晚5每日4轉拉住國債Banner喺維港1,000呎上空盤旋，肯定會吸引唔少途人觀望。
絲絲八到，原來呢幅空中Banner面積達1萬方呎，採用物料亦比較跣水，普通落雨冇有怕，但有雷暴警告就要歇一歇，以免發生危險。據了解，國債Banner雲遊空中3日，花費又冇想像中咁貴，6位數字走唔甩，但又未到7位數字，絲絲就覺得錢都係其次，最緊要係有心思。
余絲韻