俄鋁（00486）早前出咗一本名為《愛‧俄羅斯》嘅書，專門介紹俄羅斯嘅景點及文化，絲絲睇完之後都對俄羅斯多咗認識；此外，俄鋁亦喺Facebook（fb）舉辦共有9條問題嘅有獎問答比賽，吸引咗1,157名用戶參加，最後抽出3名優勝者，仲送咗幾份「大獎」畀佢哋添。
係乜嘢大獎？就係雙人來回俄羅斯機票及酒店嘅套裝禮物嘞。雖然絲絲早排去過俄羅斯，但都好羨慕得獎嘅郭小姐，可以去體驗異國風情。至於其餘兩名優勝者，就分別獲得iPad及iPhone 4，雖然唔及旅遊套餐大獎咁筍，但都算係近期流行嘅「潮物」，值得玩味一番。
其實俄鋁自上市以來，管理層及公司員工均積極保持資訊透明度，又一直致力將俄羅斯最好嘅一面帶嚟香港，真係令絲絲覺得佢哋非常有心，值得香港企業學習，唔好淨係靠把口齋講社會責任。
余絲韻