詹培忠應承代出頭
絲絲收到風，中小經紀似乎唔多領情，以證券及期貨專業總會會長王國安為首嘅經紀業界正聯同一眾「軍師」，密謀撰寫一篇長達8,000字嘅文章，力抗李小加嘅「萬言書」。
王國安同絲絲講，佢哋正向各方面收集資料，8,000字長文將會逐一回應及反駁李小加嘅「萬言書」觀點，重申佢哋唔係「大聲兼搞事」，亦非只顧住經紀利益。王國安仲話，佢尋日已與立法會議員詹培忠通電話，強烈要求詹議員出手幫助，應付今次「惹火」改革事件，詹培忠亦已應承咗會為中小經紀出頭。
睇嚟今次改革事件並未因為「萬言書」出台而告一段落，事件發展成點，直係要拭目以待。
余詩韻