獲延期達成復牌條件
以前買落呢隻股份嘅小股東，最希望嘅梗係公司快啲復牌，令自己嘅股份唔使再綁死。
絲絲問過分析人士點睇海域嘅復牌機會，佢哋話海域當年停牌都係因為帳目有問題，依家既然出得年報，有核數師簽署為證，即係話海域盤數都應該清晰番喎。
其實海域原本要喺今年中之前，符合晒所有復牌條件，先至有機會復牌。海域近期獲上市上訴委員會寬限，將達成復牌條件嘅日期延長至今年十一月底，其中一項復牌條件，就係公布番截至今年三月底嘅財務業績，呢樣嘢喺尋日總算做到。海域應該會繼續努力，希望完成埋其他復牌條件，小股東只要忍耐多一陣，相信總有海闊天空嘅一日。
余絲韻