講番俊和，近年佢哋喺內地發展物業，彭一庭就話，物業發展呢幾年都係對公司嘅主要貢獻。
佢又話嚟緊公司都會繼續發展河北省，除咗因為已建立咗名聲，嗰度亦係佢哋熟悉嘅地方，所以佢今年內要喺石家莊再搵兩個新項目，發展低密度住宅或別墅。
雖然係咁，不過話晒俊和以前都係主打建築，Dominic話今年建築及物業發展相信可以各佔公司淨利潤嘅一半。
建築界邁黃金時期
俊和董事總經理郭煜釗就話，依家公司手頭合約金額有190億元，未完成合約有125億元，隨着政府有多個基建工程進行，相信嚟緊會係建築業界嘅「黃金時期」。
余絲韻