百度騰訊列冠亞
根據排名，網絡搜索引擎百度係最受網民青睞嘅網站，第2位係騰訊，淘寶及新浪就分別排名第5及第6位。今次評選係以網站嘅訪問量嚟做標準，而美國以外嘅十強網站，幾乎全部都係網絡搜索引擎及門戶網站。
由於內地有十幾億人口，網民人數可以話係中國互聯網企業嘅天生優勢，呢樣嘢梗係令外國同行羨慕啦，如果唔係，Google又點解一定要勇闖神州喎。
百度能夠名列榜首，係與公司嘅規模、固定資產之類有關，而唔係關乎盈利，如果計埋利潤率呢啲指標，一旦與發達國家拍埋，即刻相形見絀。所以話，中國網站已經夠大，亦都係時候要圖「強」嘞！
余絲韻