很多偉大學者都說，做學問是一條孤獨的路，只有自己一個人摸索、追尋。也有很多投資專家說，成功投資者要懂得遠離群眾，獨立思考。不過，他們說漏了一點，就是還需要得到認同，甚至去影響別人。你看，「渾水研究」就做了最佳示範。
被視為創立「總體經濟學」的凱恩斯，他是一位走入現實世界的學者，對股票市場有親身體會，更有獨特見解。他在《通論》用了個被稱為「選美理論」的例子。大意是報紙刊登選美佳麗的相片，讀者投票誰是冠軍，選中最多得票佳麗的讀者有機會得獎。所以要獲獎就不是選「最喜愛的佳麗」，是要選中「最受歡迎佳麗」。
我與各位股友一樣，無能力先沽空，後唱淡，做了也沒有影響力。股友都只能期望坐上順風車，參考大行報告走番轉。可惜的是，參考大行報告隨時要股友車毀人亡，更可惜是股友繼續追看。撇開陰謀論，大行報告失準或者是一個誤會，因為「目標價」並非股價的「目標」。
搞清楚，「目標價」係分析員認為一間上市公司的「價值」。價值與價錢不同。價值低過價錢，當然抵買，但無人敢肯定價錢幾時會同價值一致，實情可以是市場永遠唔識貨，隻股票永遠無人吼，即使幾有遠見，也只是孤芳自賞。
靠大行報告炒短線也難。每日都有幾十隻股票被調升目標價，但唔係隻隻升。股價要即刻有反應，要市場認同，就要夠震撼，要有明星分析員，要有傳媒報道。有時股價仲會滯後一兩日先有反應。
講開又講，藍籌股業績期差唔多到，又有一大堆報告畀你參考。
大健
大健，財務碩士畢業，投身財經記者行列數年，之後無論轉職歐資投行，抑或現任職英資金融機構，始終情繫中環，相信各有前因莫羨人。
微博：http://t.sina.com.cn/taikin