魚生齋睇冇份食
張天生無懼日本大地震及輻射影響，即時和應，原本諗住趁本月初有個短假期，帶埋太太一行人飛去北海道食新鮮魚生，不過喺臨出發前，旅行社突然通知佢話去北海道嘅機位爆滿，佢哋惟有臨時轉飛大阪。
一切安排好，一行人到達大阪後，但卻人算不如天算，張天生話佢去到大阪咁啱出現皮膚敏感，惟有睇住老婆將大大隻嘅牡丹蝦放入口，自己就無福消受。佢大讚自己當時好忍得口，不致食咗海鮮令皮膚敏感發作！不過就算唔食海鮮，喺大阪都有好多好嘢食，好似和牛以及出名嘅清酒等。總之今個大阪美食之旅，佢一啲都冇失望，滿載而歸。
返到香港後，張天生已計劃等到天氣秋涼一啲，就會返家鄉食嘢，美食人生，非佢莫屬！
余絲韻