女富豪楊惠妍最美
至於最靚嘅中國女富豪，胡潤就選咗楊惠妍，老實講，好多人都未見過楊惠妍，胡潤揀佢一定有道理嘅。胡潤仲爆咗佢朋友想攞楊惠妍手機號碼嘅秘密出嚟，但人哋結咗婚喇，依家唯一一張相就係楊惠妍嘅結婚照。
中國咁多富豪當中，胡潤認為萬科董事長王石係最有個性，佢係目前中國登頂珠峰年紀最大嘅紀錄保持者，60歲仲咁有魄力好唔簡單。至於最簡樸嘅中國富豪，胡潤就話係娃哈哈集團老闆宗慶后，佢成日着布鞋、短褲，用嘅筆及手錶都唔係名牌奢侈品。講到最奢華嘅富豪，胡潤就揀咗華彬集團董事長主席嚴彬，佢擁有專門嘅高爾夫球俱樂部華彬莊園，非常豪華。
余絲韻