呢個咁特別嘅調查，其實係由專門提供服務式辦公室嘅國際公司Regus進行，受訪嘅人數多達全球80個國家嘅商界人士。鍾意帶運動裝及泳衣出Trip嘅人不單只來自香港，美國、新加坡及澳洲亦有37%至47%嘅受訪者持相同意見，可能因為大部分酒店都有泳池及健身室，商界精英通常冇乜空餘時間，唯一活動可能只係開會前一粒鐘游水及做Gym。
竟然有人帶鹹魚
至於其他出門嘅必帶裝備，最估唔到嘅係竟然有受訪者話出門必帶嘅寶貝係鹹魚，但呢個當然只係非常冷門嘅選擇啦！
另有19.6%嘅受訪香港商界人士話，一定會帶家庭照片出門，呢個比率係全球受訪地區中最高，足以反映佢哋對家庭嘅重視。