內地有95%嘅金融業者慨嘆「好唔夠人」，當中28%仲認為將會「長期」唔夠人添。去年上海市金融辦與英國金融招聘網合作搞招聘會，為內地銀行、證券、保險及期貨業向全球廣發英雄帖，招聘佢哋需要嘅人才，今年仲會再接再厲繼續徵才。
一般做唔過3年
不過，搵到人嚟都要觀察吓佢好唔好用，聽講原來大部分嘅海歸派去咗金融機構返工，一般都唔能夠做超過3年，「水土不服」係最大嘅原因。絲絲都聽過上海職場嘅排外氣氛好強烈，唔知有冇關係呢？
依家上海聘請金融人才所畀嘅人工不斷上升，直追香港及新加坡嘅水平，但專家話，政府要喺稅制、子女教育環境、醫療保障方面做啲嘢，咁樣先可以吸引到多啲人才喎。
余絲韻