星洲領事推銷上市
勇利董事長許志堅話嗰時唔係無端端走去星洲o架，係因為當年新加坡政府決定將當地構建為亞洲航運中心，而佢一向與星洲領事好老友，對方成日向佢推銷話喺當地上市有幾好，加上勇利啲船又成日會去星洲維修、加油及上落貨，於是就順勢去咗當地上市嘞。
經過多年後，許志堅話覺得香港嘅資本市場好吸引，幫公司搵多個融資平台，發展壯大都冇壞吖，於是又返嚟香港上市囉。絲絲聽到呢度心諗，香港始終有吸引力，不過都應該學吓新加坡，連領事都出動埋去Sell外企上市，港府喺呢方面係咪都可以做多啲，鞏固吓香港嘅國際金融中心兼航運中心地位呢？
余絲韻