李超人喺一九八七年買咗加拿大赫斯基業務。李超人當時以「本地虎勇闖加拿大」，當然有震撼性啦！亦都令到每次大家股東會都會問嘅焦點話題。
其實分拆亞洲業務，喺市場上加理論上反應會係最好，但係亞洲業務有中國業務，即係有稅務問題，所以成隻第二上市，就係咁原因。
市場對李超人割愛有唔同嘅睇法，最大路嘅梗係「加港一齊集資」，又係為資本市場鋪路。如果大家有讀李超人傳奇，八七年買，當其時油價11美元，依家成百美金，油價令到「赫仔」前途唔錯。
作為首富，佢講嘢，全世界媒體都即時廣播。我覺得八七年買「赫仔」係因為要「衝出去」，正因當時加拿大喺法制上，政策穩定上，生意環境同良好稅收結構。但係正如我話頭──審時度勢，大家都知「黃金十年在中國」，唔通同人講「赫仔回歸中國」咩？聽落又好似唔啱路，係咪先？何況誠哥嘅蒸餾水業務有「錢途」。零售業務啱啱動起來，賣仔嫁女都有不同嘅時段，啱唔啱？我覺得「赫仔」上市，和黃（00013）嘅價值真係一下「完全釋放」，超人最不掩飾自己買長和系股票，仲使講，佢嘅「李字牌頭，梗係無得頂」！
香港大學電子金融服務榮譽助理教授 徐燦傑