絲絲講場：馬雲：有人借錢願買雅虎

阿里巴巴（01688）母公司突然將支付寶賣咗畀大股東馬雲（圖），畀雅虎嘈唔早啲單聲，令阿里與雅虎本來已唔多好嘅關係更加緊張，馬雲近日出席《華爾街日報》嘅科技論壇，被問及既然收購咗兩家美國公司，咁會唔會對雅虎有興趣？佢話如果有人借錢畀佢，佢好願意收購雅虎喎。

雖然大家都知馬雲與雅虎掌舵人巴茨（Carol）唔多咬弦，但兩人一向發言都好克制，馬雲此言一出，大家即刻聯想到雙方會唔會隔空再互數一番。馬雲就話，要扭轉一家公司嘅局面唔係易事，佢非常敬重好似巴茨咁試圖扭轉公司局面嘅人，但認為雅虎思想應該更加開放，利用各種方法解決問題。佢仲話，有時管理人唔應該太顧及股東想法，呢句話真係一語雙關，唔知佢係講緊巴茨唔使咁聽雅虎股東嘅話，抑或係阿里唔使咁聽雅虎（揸住阿里股份）嘅話嘞。

余絲韻

跨媒體地產網新居入伙 幾萬個精選樓盤 歡迎睇樓！

Money18免費即秒股票報價網站現推出8升級功能，財經資訊，實時實發！

Money18更多即時港股指數資訊