期指觀瀾：暫時休戰觀望為上
上周尾段見外圍亂亂地，都估計港股周一開市唔會靚仔，但真係無估到會衰到這地步，期指低開22,887點，恒指現貨同樣低開於22,942點，其後逐級逐級落，現貨收報22,711點，跌488點，成交逾650億元。
市場消息眾多，中國五月份製造業PMI下跌，令內地A股轉弱並拖累港股；歐債今次大大鑊，美國經濟數據顯示當地經濟復甦動力減弱；商品調整未完，暗示市場避險意識未減；仲有人話，十個牛皮九個淡，港股成交持續淡靜，不如放個長假，等成交轉熱再玩過。
筆者就認為，講乜都係假，在市況不明之時，不如先靠邊站最實際。睇番昨日期指低開於22,887點，已接近全日高位22,904點，其後一直反覆下跌至收市的22,655點，同樣接近全日低位，可見港股氣氛好差，睇怕五月期指結算前此氣氛延續的機會都幾大。
策略上，昨日期指早段已經失守22,950點及10日線支持，筆者即時按策略平掉手上持倉。此外，大市短期走勢未明，故決定今日暫時觀望，保留資金以再戰江湖。
John Mullen