國美近年嘅發展好比一套連續劇，特別係公司高層嘅變化。國美大股東黃光裕重掌權力後，先後有多名高層嘅人事變化，陳曉嘅愛將孫一丁離職後，市場一直盛傳公司元老級人物總裁王俊洲及副總裁魏秋立會係下一個被「叮走」嘅目標人物。
早兩日國美出咗公告，以「每名董事須輪值退任，至少每3年一次」為由，宣布王俊洲、魏秋立以及黃光裕胞妹黃燕虹將退任執行董事之職，不過王氏及魏氏仍留任總裁及副總裁嘅職務，呢個安排與孫一丁嗰時一樣，最終孫一丁都離開咗，唔知王、魏兩位會唔會步孫一丁後塵呢？
國美股東會喺下月舉行，如果董事重組議案獲通過，董事會人數由13人減番到以前嘅11人，公司亦強調貝恩暫時冇退出國美嘅計劃。
佘絲韻