絲絲尋日見到枱頭放咗一本由世邦魏理仕主理嘅《世界十大奢侈品及商務時尚城市排行榜》，睇完之後，先知道原來香港竟然喺「奢侈品」市場位列首位，總共吸引咗全球84%嘅奢侈品品牌，仲犀利過紐約、東京及巴黎！除咗香港之外，新加坡及北京亦登上呢個排行榜。
其實都唔難理解嘅，只要大家得閒去尖沙咀廣東道或中環置地廣場逛吓，就肯定知道箇中原因。內地「大豪客」雖然為本港嘅次文化增添咗色彩，但同時亦令香港成為國際大品牌嘅首要據點，絲絲都應該多謝佢哋。
不過，海南島最近為旅客消費實行退稅優惠，好可能會吸走唔少內地消費力，香港零售業界都要提高警覺，以免呢支「大水喉」射錯方向！
余絲韻