標普調低美國評級展望至負面，只係一日時間，市場已經當無事發生，港股尋日一口氣收復番晒周二嘅失地，但畢竟又嚟到24,000關阻力，再高追風險唔細，不如保守番小小，揀番啲落後股嚟炒。航天控股（00031）自去年十一月以來，股價累跌超過三成，不過近期數度測試0.9元不破，昨日回升3%，以0.95元報收。
集團去年盈利倒退26%，至2.92億元，但主要是受旗下附屬公司持有的投資物業市場公允值變動所影響，佔去年盈利逾七成的核心科技工業業務，收入和盈利皆創出歷史新高。
至於地產業務方面，深圳航天科技廣場已全面動工，預期於二○一三年落成，而海南航天發射場配套區仍處於籌備階段，屬中長線發展，但短期難免為業績帶來負面影響。不過，截至去年底止，集團每股資產淨值為1.37元，現價有三成折讓，而經近數月橫行後，低位明顯有支持，博反彈可以去年二月份配股價1.13元為目標，止蝕0.88元。
詩詩