人工媲美香港
絲絲聽啲獵頭公司專家講，話其實金融人才人工嘅高低，不在於佢住喺邊度，反而係佢熟悉啲乜。隨着上海金融市場愈來愈大，基金經理以及專門行業分析師嘅人工銀碼都可以與香港媲美，分別只係佢哋賺嘅係人民幣。
你可能會問，內地好多金融架構仍未與國際接軌，何解內地人才咁吃香？其實這正因為內地有其獨特嘅市場文化，造就咗呢群「呼風喚雨」嘅金融人才，因為佢哋背後有一大群「傾得埋」嘅國企老闆、一整包廂「能飲幾杯」嘅高官。
前兩年，內地人才可能「削尖頭」都希望到國際投行工作，依家就掉番轉頭，外國人都跑來學「煲冬瓜」，寧願減薪都要去賺人民幣。
（余絲韻）