長江集團有92個成員獲頒「商界展關懷」榮譽，係連續8年成為最多成員獲此榮譽嘅企業集團，成員公司中，更有30家公司獲頒「五年Plus商界展關懷」標誌，21家公司獲頒「連續五年商界展關懷」標誌。此外，集團旗下嘅電能實業有限公司更獲頒「全面關懷大獎」。
新鴻基地產就連續第9年獲「商界展關懷」榮譽，旗下61家成員公司及物業項目獲得呢個獎，當中12個單位獲頒「五年Plus商界展關懷」標誌，5個單位獲頒「連續五年商界展關懷」標誌。
新世界發展及旗下20家公司、信和集團及旗下信和物業管理亦攞到唔少社聯嘅獎項，絲絲都數唔到咁多，各大企業過去一年出咗咁多力，真係好值得表揚。
（余絲韻）