培訓首批逾百醫生
絲絲知道內地有好多患眼疾嘅病人，好多病人仲因為住喺較偏遠嘅地區，而搞到冇得醫。
聽聞今次工行捐建嘅眼科顯微手術培訓中心，已培訓咗第一批百幾個當地醫生，提供手術實習，仲幫佢哋參加國際公開考試，協助每年200個貧困嘅白內障患者接受免費手術或減免費用。
絲絲見工行咁有愛心，梗係向佢哋請教吓啦，佢哋話今次已經唔係第一次，○七年已喺四川資助白內障病人，○八年就喺貴州山區。佢哋仲話其實唔止喺眼科做慈善，去年亦為青海玉樹地震、甘肅舟曲泥石流等災難捐咗5,000萬元，累計救災貸款有成486億元！
余絲韻