絲絲講場：瑞銀金融大學港校開幕 課室命名「雙胞」奪冠
英文有句說話叫做「Great minds think alike」，即係英雄所見略同，睇吓瑞銀搞嘅命名活動就知。瑞銀旗下嘅瑞銀金融大學喺香港開幕，為咗令大家投入啲，搞咗個幫6間訓練室命名嘅活動，結果喺百幾份作品入面，竟然有兩人諗法一樣，兩者都係以中華六藝「禮、樂、射、御、書、數」為訓練室命名，分別只係一個用普通話拼音，另一個用廣東話拼音，最終呢兩份作品亦成功脫穎而出，獲得雙冠軍。
瑞銀本身喺新加坡開咗間金融大學培訓員工，最近因應發展而喺香港開分校。新加坡嗰間金融大學位於古迹Command House，香港呢間就位於商業大廈李寶椿內。校長杜可丁就話香港嘅選址方便員工，因為距離公司嘅主要辦公地點IFC只係10分鐘路程，可以畀啲同事喺Trainig前活動吓，上堂都專注啲！
余絲韻