日本大地震造成逾萬人死亡，餘震頻頻加上核危機仍未解決，情況令全球擔憂，世界各地嘅熱心人士紛紛以行動支援救災，渣打內部亦發起賑災捐款，員工喺三星期內籌咗25萬美元（約195萬港元），該行將進行配對捐出同等善款。
渣打業務遍及全球，扎根香港逾150年，喺日本亦有超過130年歷史，佢哋除咗呼籲全球員工捐款賑災，仲計劃喺未來幾個月，動員該行義工到日本為居民打氣，為日本中至長期援助計劃出一分力。
非牟利組織仁人家園計劃協助日本災後救援工作，估計有關工程為期兩年，因此須籌集資金，為咗方便善心人士捐款，渣打為仁人家園嘅日本救災籌款開立公眾捐款戶口，戶口號碼係429-0-017098-7。
（余絲韻）