為餐飲商拓展業務
阿Ken離開百記後，曾過檔「殼王」陳國強旗下坐鎮媒體投資，其後「殼王」意興闌珊，淡出媒體，阿Ken亦因此離開德祥系。近日陳國強重投媒體，變化之大相信連佢都估唔到。
自從阿Ken離巢後，市場鮮有佢嘅消息，最近佢加盟主打澳門餐飲嘅佳景，擔任業務發展總裁，見佢落足心機，似乎靜極思動。話晒阿Ken曾經係「紅籌之父」得力助手之一，佳景獲呢位財務高手幫手，絲絲心諗應該唔只搞吓新業務咁簡單。
佳景大股東係陳澤武，佢喺澳門有生意兼擔任多項公職，仲係香港影視明星體育協會慈善基金嘅澳門會長。
（余絲韻）