高盛大摩等支持
《華爾街日報》引述消息報道，多家華爾街大行包括高盛、摩根大通及摩根士丹利計劃容許小股東每年就高層薪酬進行投票，係繼花旗、富國銀行及美國銀行表態支持後，更多大行身體力行將高層薪酬「話事權」下放。
其實去年落實嘅金改法案，只要求大部分美國主要企業最少每3年由股東就高層薪酬進行投票，但愈來愈多大行支持由股東每年投票一次。有評論認為，反正大行薪酬制度已受到監管機構嚴密監視，即使每年由股東投票都冇所謂。雖然投票結果不具約束力，但相信董事局點都唔敢完全當小股東冇到，對於喺金融危機後要求對大行高層薪酬有更大話事權嘅小股東嚟講，總算贏咗一仗。
余絲韻