尋日花旗與友邦退休金就組成策略分銷聯盟，咁啱大家本身都係美資企業，果真係門當戶對。
花旗環球個人銀行服務行政總裁及總經理盧韋柏話，佢哋今年會重點強化對「進富一族」嘅服務，而退休保障係重要一環，因此首次與強積金供應商合作，就搵咗市佔率排第三嘅友邦退休金，希望提供全面嘅退休產品。友邦退休金高級副總裁暨執行董事謝佩蘭就話，今次合作可借助花旗嘅銀行銷售網絡，發揮兩個品牌結合嘅力量，可謂互惠互利。
余絲韻