唔少人都驚食物受輻射污染，遠洋地產總裁李明尋日喺記者會後叫大家唔使擔心，佢話相信日本核危機唔會影響到中國。
絲絲覺得好奇怪，遠地係搞內地房地產，何解李總會覺得輻射唔會對中國有影響呢？李總話原來早喺十幾年前，佢喺大亞灣核電廠任職運輸項目經理，唔怪得佢有咁嘅見解啦！
對於早前入股佢哋公司嘅南豐集團，李總話之前都有與南豐合作發展項目，其實關係就同遠地與另一股東國壽（02628）一樣，合作都係好密切，佢又話嚟緊如果有啲項目佢哋有興趣，都會與南豐一齊研究喎！
余絲韻