企業愈嚟愈「綠色」，無論係辦公室以至營運，都對地球友善啲，盡量節能。道富集團喺杭州嘅全新「綠色」辦公樓啟用，據副主席周安達話，呢個叫做天堂軟體園嘅辦公樓，已申請咗美國綠色建築協會嘅「能源與環境設計先鋒」嘅金牌認證（LEED）。
呢個認證係一項國際公認，代表「綠色」及高效能建築嘅認證體系。道富喺倫敦、愛丁堡及悉尼嘅辦公樓，均已獲不同嘅認證體系認證為符合環境可持續發展。
呢棟新辦公樓位於杭州市西湖區，道富佔咗其中5個樓層，其餘嘅空間將用以實現集團位於杭州嘅技術解決方案部門擴張計劃。周安達話，道富喺杭州嘅業務及辦公設點始於○一年，當時由道富及浙江大學合作建立，道富杭州員工已增至一千多人。新辦公樓喺去年十月完工並投入試用，隨後道富杭州嘅員工陸續從相鄰嘅百腦彙大樓遷入新址。
余絲韻