日本爆發核污染危機，絲絲尋日約咗好姐妹、中國風電（00182）執行董事高穎欣（Samantha）去食日本菜，問到呢位氣質美女放假鍾意去邊，佢話最鍾意有鄉村氣息嘅地方例如法國小鎮，或者係有原始氣息嘅地方好似柬埔寨咁，除此之外，佢又好鍾意潛水，可惜依家工作困身，都好難有長假期放，惟有趁出差時間「偷」幾日放假。
平時周六、日又點呢？Samantha話會約三五知己飲嘢睇戲，或者叫朋友上佢屋企BBQ。絲絲不禁問：「你唔行街Shopping嘅咩？」絲絲就成日心思思想行街，就算唔破費，Window shopping止吓痕都好吖！點知Samantha話佢真係唔鍾意買嘢o架，笑言閒時嘅活動範圍只係由銅鑼灣到中環，仲要係搭地鐵，最多只係去赤柱行吓街。
係人都知佢係公司大股東高振順嘅千金，而且仲係「賓卡」出身，但就完全冇一般太子女嘅公主病，真係難得。
余絲韻