早幾日看過一篇報道，引述美國一項調查指，中國九成電腦用戶包括官方機構都有用盜版軟件。
雖然有人認為，盜版外國軟件是佔了人家便宜，但掉番轉頭諗，內地軟件業亦係受害者，故中央在「十二五」就提出要加強保護知識產權，嚴厲打擊盜版，國務院亦早於一月份提出，透過融資、稅收等六個方面提供優惠，鼓勵內地軟件業發展。
剛公布去年業績的金蝶（00268），尋日股價顯著做好，急升一成，收報5.13元，由周二大跌市當日低位4.45元計，短短兩日反彈幅度達15%。集團去年度股東應佔溢利2.71億元人民幣，較○九年增長約27.9%，末期息每股派0.034港元。其實單計業績，並唔算真係好突出，而以昨日收市價計，市盈率仍達33倍，不過有國家政策扶持，就唔同咁講法。發改委早前公布重點軟件企業名單，金蝶亦榜上有名，可享去年利得稅率降至10%的優惠，咁多利好因素配合，上番今年高位5.6元唔難，止蝕4.7元。
詩詩