新鴻基地產（00016）董事兼首席財務總監陳國威加入咗集團唔係好耐，但成日見佢去攞獎，日前絲絲撞見佢，想搵佢食飯傾偈，點知畀佢推咗，原來佢又要趕住幫集團攞獎。
今次佢係代表新地接受國際財經雜誌《The Asset》最新「亞洲企業大獎」選舉中嘅白金殊榮，新地係連續第二年獲頒呢個最高級別獎，更係唯一獲此佳績嘅香港發展商。呢個選舉嘅評選基準，係企業要有良好管理及企業管治。
《The Asset》去年訪問全球數百名專業投資者及財經分析員，按企業喺財務、公司管理、企業管治、社會責任、環境保護責任以及投資者關係嘅表現評分，表揚當中成績超卓嘅企業，陳國威話攞獎令集團感到鼓舞。
余絲韻