恒生為擴充商務理財中心舉行咗開幕酒會，主持嘅除咗有企業及商業銀行業務主管陳力生之外，仲有剛紮職嘅商務理財業務總監左玫（Rose）。
左玫紮職大展拳腳
Rose喺上月先上任新職，佢之前任職高級執行副總裁兼商業銀行業務副主管，今次擴充開幕可謂Rose嘅「頭炮」活動，絲絲就相當期待佢日後繼續大展拳腳。
講番呢個商務理財中心，原本只設喺中環總行一樓，今次恒生就將總行6樓嘅後勤辦公室搬走，改為提供商務理財服務，令客戶可以喺更寬敞舒適嘅環境享受服務。老友仲同絲絲講，話由昨日起首200位喺該中心開商業綜合戶口嘅客戶，可獲得超市現金券添。
余絲韻