富戶投資觸覺敏銳
星展委託咗研究機構做調查，發現約有三成嘅18歲以上人口，喺過去一年曾參與投資活動，按推算即係約有125萬人；當中更有86%投資者有意喺未來半年投資股票，而投資外匯及基金嘅人亦分別有45%及41%。
Linda話，調查發現咗個有趣現象，就係資產總值愈高嘅人，對預測大市走勢嘅觸覺愈敏銳，好似有過百萬元資產嘅投資者往往較能洞悉先機，掌握大市走向及波幅。咁點解佢哋咁厲害？Linda話可能與佢哋獲得資訊嘅途徑有關，因為當中有超過四成人透過財富管理經理得到相關資訊，係其他資產值人士嘅3倍。
余絲韻