鄭潔張靚穎都有份
除咗郭晶晶之外，安踏仲搵埋網球好手鄭潔及內地樂壇小天后張靚穎做呢個系列嘅代言人，佢哋話呢3位代言人有一個共通點，就係熱愛運動及生命，原來張靚穎唔只鍾意唱歌，亦好鍾意運動，唔怪得安踏會搵佢做代言人。
內地體育用品市場競爭愈嚟愈激烈，為咗吸引更多客人，有唔少體育用品商會用運動明星做代言人，以求產生明星效應。今次安踏推出針對女性市場嘅運動系列，以「釋放內在能量、綻放精彩自我」做主題，佢哋對於究竟搵邊個做代言人先夠吸引都諗咗好耐，最後就揀咗郭晶晶，而郭晶晶亦希望大家透過做運動，可以得到快樂及活出自我，兩者於是一拍即合。
余絲韻