今年中國企業排第一嘅係中遠洋（01919），有64.1分，被評為最有責任公司；外企方面，戴爾就排第一，有67.6分。
中移聯想分列亞季
中移（00941）及聯想（00992）分別位列中國企業嘅第二及第三位；資源及能源股一直都被人話高污染，但睇嚟中石油（00857）及寶鋼、五礦、神華（01088）都喺環境方面做得好好，分別名列第4至第7位；另外，中煤能源（01898）更由去年嘅37位勁升至第8位。
《財富》話搞呢個榜係為咗話畀啲企業知，社會對佢哋有乜期望，並希望促進企業與相關利益方對話喎。希望呢個榜真係可以鼓勵企業做好，對社會及員工都更有承擔啦。
余絲韻