過江女神：囡囡好有腦 以身相許作回報
尋日係白色情人節，據講係畀收到情人節禮物嘅朋友，可以有一個回禮嘅機會，有唔少囡囡尋日不知幾忙，事關佢哋喺2月14日收到唔少示愛禮物，所以尋日要逐個回禮，就好似今日要介紹嘅過江女神，佢話尋日就回咗十幾份禮物，有冇咁多呀？
兩虎相爭
呢位有十幾人追求緊嘅靚女，嚟自京×盛世夜總會，阿女今年20歲，留有一頭長髮，外形十分清秀，唔知仲以為佢係大學生。Yuki話當年唔係掛住拍拖，家陣一定係個大學生，事關佢細個讀書好叻，特別係數學科，難怪佢數口咁精啦！
問吓Yuki點解會有咁多人追？Yuki話：「我都唔知點解，可能我份人嘅性格比較隨和，喜歡同男仔玩埋一齊，所以特別容易惹人喜歡。」而且Yuki身材又好，笑容又甜，識得佢嘅唔追佢都唔係男人啦！Yuki一笑：「但唔怕話畀你知，嗰陣時我係個情感白癡，身邊嘅男仔邊個係朋友，邊個係追求者，我係完全唔識得分，所以經常搞出瘀事，曾經有次同一時間約兩個男仔出嚟見面，搞到最後兩個人為咗我打架。」
先收禮物
今年嘅情人節點過呀？Yuki話：「我好醒呀！問朋友借咗間屋，叫晒男男女女所有朋友一齊玩，由於一大批人，所以個別追求我嘅男仔都唔敢放肆，而且全部都以送禮物表示愛意，我當日就收咗幾十份禮物，之後拆禮物都拆到手軟。」真係誇張！
人人都送禮物，Yuki點知邊個係朋友，邊個係追求者呢？Yuki話：「有姊妹教落，禮物價值愈大嘅就對你愈有意思，另外，如果對我有意思嘅除咗送禮物，仲會有張心意卡，喺幾十份禮物中我就分辨出有十幾份係有追求意味，所以尋日咪逐一回禮囉！」只係回份小禮物，似乎欠啲誠意！Yuki話：「請放心，日後我會逐個以身相許，慢慢再報答佢哋嘅愛意。」着數一早就收晒，之後慢慢還，Yuki真係識計數！
撰文：小德 攝影：阿章