華遠去年賺4.02億元，年增率17.39%，遠遜於公司營業收入嘅53.38%增長，因為受政府調控政策影響，佢哋要主力喺二、三線城市發展，利潤梗唔及喺北京喇，所以佢哋一直好想回歸京城，但去年多番出手投地均鎩羽而歸，有名叫「任大炮」嘅任志強，點會唔發牢騷吖！
年薪758萬人仔
要數賺最多錢嘅房地產公司，有排都未輪到華遠，但任志強同佢啲手下領取嘅年薪，就喺行內出晒名夠高。年報顯示，任志強與佢班管理團隊去年所逗嘅薪酬合計有2,365.95萬元人仔，較前年增長25.3%。身為掌門人，任志強嘅年薪有758.17萬元人仔，第「N」次蟬聯成為內房股薪酬最高嘅老闆！
余絲韻